పురుషుడు నేనై పుట్టాలి
చిత్రం : తేనె మనసులు (1965)
సంగీతం : కె.వి. మహదేవన్
గీతరచయిత : ఆచార్య ఆత్రేయ
నేపథ్య గానం : సుశీల, ఘంటసాల, పి. బి. శ్రీనివాస్
పల్లవి :
పురుషుడు నేనై పుట్టాలి...
ప్రకృతి నీవే రావాలి
ఇరువురి మనసులు కలవాలి...
ఆ కలయిక కళకళలాడాలి
పురుషుడు నేనై పుట్టాలి...
ప్రకృతి నీవే రావాలి
ఇరువురి మనసులు కలవాలి...
ఆ కలయిక కళకళలాడాలి
పుడమే నేనై పుట్టాలి...
ఒడిదుడుకులను ఓర్వాలి
పుడమే నేనై పుట్టాలి...
ఒడిదుడుకులను ఓర్వాలి
కడలిని నదినీ కలపాలి...
ఆ కలయిక కళకళలాడాలి
పుడమే నేనై పుట్టాలి...
ఒడిదుడుకులను ఓర్వాలి
కడలిని నదినీ కలపాలి...
ఆ కలయిక కళకళలాడాలి
చరణం 1 :
మెరమెరలాడే వయసు నేనై...
మిసమిసలాడే సొగసు నీవై
మెరమెరలాడే వయసు నేనై...
మిసమిసలాడే సొగసు నీవై
వెల్లువలాగా వెన్నెలలాగా...
ముల్లోకాలను ముంచాలి
వెల్లువలాగా వెన్నెలలాగా...
ముల్లోకాలను ముంచాలి
పుడమే నేనై పుట్టాలి...
ఒడిదుడుకులను ఓర్వాలి
కడలిని నదినీ కలపాలి...
ఆ కలయిక కళకళలాడాలి
చరణం 2 :
పైమెరుగులకే ఉరకలువేసే...
పరువానికి పగ్గం వేసి
పైమెరుగులకే ఉరకలువేసే...
పరువానికి పగ్గం వేసి
పగ్గం కట్టిన కన్నె మనసులో...
లోతులు తెలిసి మసలాలి
పగ్గం కట్టిన కన్నె మనసులో...
లోతులు తెలిసి మసలాలి
పురుషుడు నేనై పుట్టాలి...
ప్రకృతి నీవే రావాలి
కడలిని నదినీ కలపాలి...
ఆ కలయిక కళకళలాడాలి
దేవుడు నేనై పుట్టాలి...
దేన్నో తాన్నో ప్రేమించి
దేవుడు నేనై పుట్టాలి...
దేన్నో తాన్నో ప్రేమించి
ఆడదాని మనసంటేనే...
విషమని తెలిసి ఏడ్వాలి
దేవుడు నేనై పుట్టాలి...
దేన్నో తాన్నో ప్రేమించి
ఆడదాని మనసంటేనే...
విషమని తెలిసి ఏడ్వాలి
చరణం 3 :
గాజు వంటి హృదయం తనది...
రాతి వంటి నాతికి తగిలి
గాజు వంటి హృదయం తనది...
రాతి వంటి నాతికి తగిలి
ముక్కలు చెక్కలుగా పగిలి...
నెత్తురు కన్నీరవ్వాలి
ముక్కలు చెక్కలుగా పగిలి...
నెత్తురు కన్నీరవ్వాలి
దేవుడు నేనై పుట్టాలి...
దేన్నో తాను ప్రేమించి
ఆడదాని మనసంటేనే...
విషమని తెలిసి ఏడ్వాలి
విషమని తెలిసి ఏడ్వాలి
- పాటల ధనుస్సు
కామెంట్‌లు లేవు:
కామెంట్‌ను పోస్ట్ చేయండి