ఆకశాన్ని చూడు తలవంచదు ఎప్పుడూ
ప్రేరణ గీతం
రచన : రామకృష్ణ దువ్వు
Album: RKSS Creations...
పల్లవి:
ఆకశాన్ని చూడు
తలవంచదు ఎప్పుడూ
తనవైపు చూసేవాళ్ళ
తలదించదు ఎన్నడూ
తనలో రగిలే
సూర్యులు ఎందరున్నా
చినుకులు రాల్చి
ఊపిరి నిల్పు అవనిపైనా
చరణం 1:
కారుచీకటి కమ్మినా
నీపైనే గొడుగై కాచును
కంటికగుపడదని
పలచన చేయక
దించిన తల ఎత్తి
నింగిలోన వెదకు…
మెరిసే తారలు
నీతో ఊసులాడు…
నిన్నుగాంచి
తమవాడిగ చెలిమిచేసె
తారలకే తార
నువ్వు సూపర్ తార…
చరణం 2:
చూసే ప్రతి దిక్కూ
నీ కథలో దృశ్యాలు
నడచే ప్రతి మనిషి
నీ తెరపై నటులు
ఎవరూ కనని
కమనీయం నీ కావ్యం
హితులందరు
చేతులు కలిపిన గమ్యం
అదిగో అదిగో కదలే
బొమ్మల నీ సృష్టి
శిరసు ఎత్తి స్వీకరించు
ఆ విజయమాల
- రామకృష్ణ దువ్వు
