మీ నగుమోము నా కనులారా | Mee Nagumomu Naa Kanulara | Song Lyrics | Badi Panthulu (1972)

మీ నగుమోము నా కనులారా

చిత్రం : బడి పంతులు (1972)

సంగీతం :  కె.వి. మహదేవన్

గీతరచయిత : ఆచార్య ఆత్రేయ

నేపధ్య గానం : పి. సుశీల

పల్లవి:

మీ నగుమోము నా కనులారా 

కడదాకా కననిండు

మీ నగుమోము నా కనులారా 

కడదాకా కననిండు

ఈ సూత్రముతో ఈ కుంకుమతో 

నను కడతేరి పోనిండు

మీ నగుమోము నా కనులారా 

కడదాకా కననిండు

చరణం 1:

ఉపచారాలే చేసితినో.. 

ఎరగక అపచరాలే చేసితినో

ఉపచారాలే చేసితినో.. 

ఎరగక అపచరాలే చేసితినో

ఒడుదుడుకులలో తోడై ఉంటిని .. 

మీ అడుగున అడుగై నడిచితిని

మీ నగుమోము నా కనులారా 

కడదాకా కననిండు

చరణం 2:

రెక్కలు వచ్చి పిల్లలు వెళ్ళారు...

రెక్కలు అలిసి మీరున్నారు

రెక్కలు వచ్చి పిల్లలు వెళ్ళారు...

రెక్కలు అలిసి మీరున్నారు

పండుటాకులము మిగిలితిమి..

పండుటాకులము మిగిలితిమి..

ఇంకెన్ని పండుగలు చూడనుంటిమి

మీ నగుమోము నా కనులారా 

కడదాకా కననిండు

చరణం 3:

ఏ నోములు నే నోచితినో .. 

ఈ దేవుని పతిగా పొందితిని

ఏ నోములు నే నోచితినో .. 

ఈ దేవుని పతిగా పొందితిని

ప్రతి జన్మ మీ సన్నిధిలోనా... 

ప్రమిదగ వెలిగే వరమడిగితిని

మీ నగుమోము నా కనులారా 

కడదాకా కననిండు

ఈ సూత్రముతో ఈ కుంకుమతో 

నను కడతేరి పోనిండు

మీ నగుమోము నా కనులారా 

కడదాకా కననిండు

- పాటల ధనుస్సు