తెల్లావారకముందే పల్లె లేచింది | Tellavarakamunde Palle Lechindi | Song Lyrics | Mutyala Pallaki (1976)

తెల్లావారకముందే పల్లె లేచింది

చిత్రం : ముత్యాల పల్లకి (1976)

సంగీతం : సత్యం

గీతరచయిత : మల్లెమాల

నేపధ్య గానం : పి.సుశీల 

పల్లవి:

తెల్లావారకముందే పల్లె లేచింది

తనవారినందరినీ తట్టి లేపింది

ఆదమరచి నిద్ర పోతున్న తొలి కోడి

అదిరిపడి మేల్కొంది... 

అదేపనిగ కూసింది

తెల్లావారకముందే పల్లె లేచింది

తనవారినందరినీ తట్టి లేపింది

చరణం 1:

వెలుగు దుస్తులేసుకొని సూరీడు

తూర్పు తలుపు తోసుకొని వచ్చాడు

పాడు చీకటికి ఎంత భయమేసిందో

పక్కదులుపుకొని ఒకే పరుగుతీసింది

అది చూసి... లతలన్నీ... 

ఫక్కున నవ్వాయి

ఆ నవ్వులే ఇంటింట పువ్వులైనాయి

తెల్లావారకముందే పల్లె లేచింది

తనవారినందరినీ తట్టి లేపింది

చరణం 2:

పాలవెల్లిలాంటి మనుషులు

పండు వెన్నెల వంటి మనసులు

మల్లెపూల రాశివంటి మమతలు

పల్లెసీమలో కోకొల్లలు

అనురాగం... అభిమానం..

అనురాగం... అభిమానం.. 

కవలపిల్లలు

ఆ పిల్లలకు పల్లెటూళ్ళు 

కన్నతల్లులు

తెల్లావారకముందే పల్లె లేచింది

తనవారినందరినీ తట్టి లేపింది

- పాటల ధనుస్సు