ప్రియతమా నీ ఊపిరే నాకు ప్రాణం | Priyatama Nee Oopire | Song Lyrics | Agni Samadhi (1978)

ప్రియతమా నీ ఊపిరే నాకు ప్రాణం

చిత్రం : అగ్ని సమాధి (1978)

సంగీతం : సత్యం

గీతరచయిత : ఆచార్య ఆత్రేయ

నేపథ్య గానం : బాలు, జానకి  

పల్లవి: 

ప్రియతమా... నీ ఊపిరే నాకు ప్రాణం

నీ చూపులే నాకు దీపం

నీవే లేని నాడు...  నేనే శూన్యము

నీతో ఉన్న నేడు...  బ్రతుకే స్వర్గము..

ప్రియతమా... నీ ఊపిరే నాకు ప్రాణం

చరణం 1 :

తోడు నీడై.. అడుగుల జాడై.. 

నడిచే నడకలు నీవే

తేనియ వలపై.. తీయని పిలుపై.. 

పలికే పలుకులు నీవే 

ఈ అనురాగమే జీవితమూ.. 

ఈ అనుబంధమే శాశ్వతమూ

నాలో నీవై.. నీలో నేనై.. 

ఒకటై పోదాం నేడే ..

ప్రియతమా.... నీ ఊపిరే నాకు ప్రాణం 

చరణం 2 :

ఎన్ని తరాల.. ఎన్ని యుగాల...  

మారని మనసు నీవొ

ఎన్నడు లేని.. ఎవరికి లేని.. 

మాయని మమతవు నీవొ

ఎదలో ఉన్నది ఆలయము...  

అది నా దేవత మందిరము

మన ఈ జంటే.. గుడి జేగంటై.. 

మోగాలి కలకాలం..

ప్రియతమా....  నీ ఊపిరే నాకు ప్రాణం

నీ చూపులే నాకు దీపం

నీవే లేని నాడు...  నేనే శూన్యము

నీతో ఉన్న నేడు...  బ్రతుకే స్వర్గము..

ప్రియతమా.... నీ ఊపిరే నాకు ప్రాణం...

- పాటల ధనుస్సు