ఓ చామంతి ఏమిటే ఈ వింత | O Chamanthi Emite Ee vintha | Song Lyrics | Atmeeyulu (1969)

ఓ... చామంతి ఏమిటే ఈ వింత

చిత్రం: ఆత్మీయులు (1969)

సంగీతం: ఎస్. రాజేశ్వరరావు

గీతరచయిత: సినారె

నేపధ్య గానం: ఘంటసాల, సుశీల

పల్లవి:

ఓ... చామంతి ఏమిటే ఈ వింత

ఈ చినవానికి కలిగేనేల గిలిగింత 

లేని పులకింత

ఓ...చిన్నారి చెల్లి పెళ్ళి జరిగింది

ఈ చిలకమ్మకు నాకు వరస కుదిరింది 

వలపు పెరిగింది

చరణం 1:

ఇన్నాళ్ళూ ఈ వలపే ఏమాయే

నీ కన్నుల్లో ఈ మెరుపే కరువాయే

ఇన్నాళ్ళూ ఈ వలపే ఏమాయే

నీ కన్నుల్లో ఈ మెరుపే కరువాయే

ఇన్నాళ్ళూ నీ హొయలు చూసాను

నా ఎదలోనే పదిలంగా దాచాను వేచాను ...

ఓ... చామంతి ఏమిటే ఈ వింత

ఈ చినవానికి కలిగేనేల గిలిగింత 

లేని పులకింత ...

చరణం 2:

దూరాల గగనాల నీమేడ

ఓ దొరసాని నను కోరి దిగినావా ...

దూరాల గగనాల నీమేడ

ఓ దొరసాని నను కోరి దిగినావా....

నీ మనసే పానుపుగా తలచేను

నీ ప్రాణంలో ప్రాణంగా 

నిలిచేను వలచేను....

ఓ...చిన్నారి చెల్లి పెళ్ళి జరిగింది

ఈ చిలకమ్మకు నాకు వరస కుదిరింది 

వలపు పెరిగింది...

ఓ... చామంతి ఏమిటే ఈ వింత

ఈ చినవానికి కలిగేనేల గిలిగింత 

లేని పులకింత

- పాటల ధనుస్సు