చట్టానికి న్యాయానికి జరిగిన ఈ సమరంలో
చిత్రం: జస్టీస్ చౌదరి (1982)
సంగీతం: చక్రవర్తి
గీతరచయిత: వేటూరి
నేపధ్య గానం: బాలు
పల్లవి:
చట్టానికి న్యాయానికి జరిగిన ఈ సమరంలో..
ధర్మానికి రక్తానికి జరిగిన సంగ్రామంలో..
కడుపు తీపికి కట్టుబడని తీర్పూ..
కన్నీటికి కరిపోనిదీ తీర్పూ..
ఇది ఆ దైవమే..ఏ..ఏ.. ఇచ్చిన తీర్పూ
తప్పా.. తప్పా.. తప్పా.. నెవ్వర్..
I am in the hands of law..
Any thing happens.. it's not my flaw..
చరణం 1:
కఠినమయినది ధర్మం.. కన్ను లేనిది న్యాయం
మనసు లేనిది చట్టం.. మనిషి జన్మకిది ఖర్మం..
కఠినమయినది ధర్మం.. కన్ను లేనిది న్యాయం
మనసు లేనిది చట్టం.. మనిషి జన్మకిది ఖర్మం..
న్యాయమూర్తిగా నేనున్నప్పుడు..
న్యాయస్థానమే నాదయినప్పుడు
నాకు మీరు లేరూ..ఊ..ఊ..
నేను నేను కాను..ఊ.. నేను నేను కానూ..
ఇది ఆ దైవమే ఇచ్చిన తీర్పు...
తప్పా.. తప్పా.. తప్పా.. నో..
చరణం 2:
సత్యం కోసం.. హరిశ్చంద్రుడు
సతీసతులనెడబాసినదీ..ఈ..ఈ
గర్భవతిని సీతమ్మను రాముడు..
కారడవికి పంపించినదీ..ఈ..ఈ
కన్న తల్లినే కాదని కర్ణుడు..
రాజత్యాగము చేసినదీ..ఈ
కన్న కొడుకునే కాదని నేనీ
కన్నీటిని దిగమింగుతున్నది..
ఎందుకోసం.. ఆ.. ఎందుకోసం.. ఆ..
దహించినా అది ధర్మం కనుకా..
సహించాలి అది సత్యం కనుకా..ఆ..
కృశించినా.. నే నశించినా..ఆ..
అది న్యాయం కనుక..ఆ..ఆ
ఆ ఆ..న్యాయమే.. నా ధైవం కనుకా..ఆ..ఆ..
చట్టానికి న్యాయానికి జరిగిన ఈ సమరంలో..
ధర్మానికి రక్తానికి జరిగిన సంగ్రామంలో..
కడుపు తీపికి కట్టుబడని తీర్పూ..ఊ..ఊ
కన్నీటికి కరిపోనిదీ తీర్పూ..
ఇది ఆ దైవమే..ఏ..ఏ.. ఇచ్చిన తీర్పూ..
పాటల ధనుస్సు
కామెంట్‌లు లేవు:
కామెంట్‌ను పోస్ట్ చేయండి