ఆ చింత నీకేలరా | Aa Chintha Neekelara | Song Lyrics | Shubodayam (1980)

 ఆ చింత నీకేలరా

చిత్రం :  శుభోదయం (1980)

సంగీతం :  కె.వి. మహదేవన్

గీతరచయిత :  వేటూరి

నేపధ్య గానం :  సుశీల  

మందార మకరంద మాధుర్యమున దేలు

మధుపంబు పోవునే మదనములకు?

నిర్మల మందాకినీ వీచికల తూగు

రాయంచ చనునే తరంగిణులకు...

ఆ..ఆ..

పల్లవి :

ఆ చింత నీకేలరా... ఆ చింత నీకేలరా స్వామీ.. నీ చెంత నేనుండగా..

ఆ చింత నీకేలరా... ఆ చింత నీకేలరా స్వామీ.. నీ చెంత నేనుండగా..

ఆ చింత నీకేలరా..

సొంతమైన ఈ సొగసునేలక పంతమేల పూబంతి వేడగా

సొంతమైన ఈ సొగసునేలక పంతమేల పూబంతి వేడగా

ఆ చింత నీకేలరా? 

చరణం 1 :

సరసాల మనుగడ సగపాలు చేసి...

వరసైన నా యీడు నీ తోడు పెట్టి

సరసాల మనుగడ సగపాలు చేసి...

వరసైన నా యీడు నీ తోడు పెట్టి...

అరుదైన మురిపాల పెరుగు మీగడలన్నీ

కరిగించి కౌగిళ్ళ తినిపించగా....

ఆ..ఆ..ఆ..ఆ  

చరణం 2 :

ఆ వంక ఆ వెన్నెలమ్మా.. ఈ వంక ఈ వన్నెలమ్మ

ఆ వంక ఆ వెన్నెలమ్మా.. ఈ వంక ఈ వన్నెలమ్మ

యే వంక లేని నెలవంక నేనమ్మా...

నీకింక అలకెందుకమ్మా?

లలిత రసాల పల్లవ ఖాదియై చొక్కు

కోయిల చేరునే కుటజములకు

పూర్ణేందు చంద్రికా స్ఫురిత చకోర

మరుగునే సాంద్రనీహారములకు

వినుత గుణశీల మాటలు వేయునేలా?